Suddru la sapienza tta basta, dinni cu camina pi la testa. (i tacci) Di l'uocchi mangia carni e da ucca mangia carta. (i fuorfichi) Cincu niervi… 'nu buttuni e un pinnuluni. (a quazetta) Cincu manuali e deci frabbicaturi, unu ca trasi e nesci e a fabbrica acchiana allura. (cincu uglietti e a quazetta) Du lucenti, du pungenti, quattru mazzuocchili e 'na scupa. (a vacca) Du zucchi, milli pampini e 'na rosa.(a addrina) Di iuornu, di sira, di notti e di tutt'ura, mi piglianu e m'ammuttanu la genti, Se io vi dicu si….cu tant'anuri. Se io vi dicu no….a patruna un c'è e io un curpu 'a nenti. (a porta) Quannu 'ma patri e 'ma matri ficiru a mia, mi ficiru patruna di nu statu, 'nta menz'ura mi cacciaru d'irridità. (a nivi) Aiu un vicchiazzu ittatu a gnunazzu, ci dugnu pani e mancu ni vò. (u furnu) A mienzu i cosci di ma nannu ci sta u reca maternu. (u rosariu) Quannu ma patri è vivu, mi fazzu narrieri narrieri, quannu ma patri è muortu mi fazzu n'avanti n'avanti. (u fuocu)